La Landwasserwelt avra sias portas ils 14 e 15 da zercladur 2025 e porscha a las visitadras ed als visitaders in'aventura singulara en connex cun il renumà viaduct da la Landwasser, scriva la Viafier retica. Entamez la regiun impressiunanta Alvra sa sviluppa in'aventura per pitschen e grond. Quella cumpiglia ils tschintg munds d'experientschas viafier, cultura, agricultura, guaud ed aua.
Viafier: istorgia da tutgar
En il mund d'experientscha da la viafier vegn vivida l'istorgia da la viafier dal Grischun. Il viaduct da la Landwasser, il viaduct dal Wiesen sco er in tren istoric stattan en il center, cumplettads dal museum da viafier Alvra. Ina viafier da model ed ulteriuras attracziuns vegnan a cumplettar la purschida en il futur. Or dal tren pon visitadras contemplar la cuntrada. Quai pon visitaders cumbinar cun ina rait da sendas da viandar che pussibiliteschan da contemplar la viafier en la cuntrada da l'UNESCO e da far pausas en bistros e sin purarias.
Scuvrir stgazis culturals
L'ierta culturala dal Grischun vegn preschentada tras ovras istoricas sco baselgias dal temp medieval e fatschadas d'art da sgrafits. Il gir interactiv «FiliTour» a Filisur ed il museum local da Bravuogn porschan invistas en l'istorgia e l'architectura locala.
Agricultura persistenta e natira
Las visitadras ed ils visitaders pon visitar ils bains purils da la regiun e degustar products regiunals directamain al lieu. La sutgera da Darlux maina sur ils guauds en in restaurant da muntogna, nua ch'ina via panoramica carmala. La via d'aua «ansaina» porscha ina spassegiada che mussan la diversitad e l'impurtanza da l'aua en la natira.
Commerzialisaziun e purtaders
La Landwasserwelt vegn purtada d'ina uniun. Da quella fan part investurs, destinaziuns, vischnancas e da partenaris locals. La commerzialisaziun vegn fatga d'ina gruppa d'experts sut la direcziun da la Viafier retica. La finamira saja da carmalar mintga onn var 35'000 persunas supplementaras en la regiun.