Siglir tar il cuntegn

Header

audio
Mulegns: Tur alva d'Origen duess vegnir il 2024
Or da Actualitad dals 03.05.2023. Maletg: RTR
laschar ir. Durada: 2 minutas 38 Secundas.
cuntegn

Mulegns Tur alva duess vegnir il 2024

Il festival cultural Origen vul construir la tur l’auter onn. Ils tests da la fisica da construcziun sajan reussids. Ussa vegn reglada la finanziaziun, plinavant vegn fatga ina nova dumonda da bajegiar.

Ils plans da construir la tur da 4,1 milliuns francs cun in’autezza da passa 30 meters autezza prevesan d’entschaiver a construir ils singuls elements da la tur a partir da l’october da quest onn. Quels vegnan fatgs da la Scola Politecnica da Turitg ETH tenor in nov sistem da stampar cun betun.

Giovanni Netzer vor dem geplanten Origen Turm.
Legenda: Giovanni Netzer davant in model da la tur. Toni Poltera

I dovra ina nova dumonda da bajegiar

Sco quai che Giovanni Netzer l’intendant da Origen ed iniziant da la tur ha ditg, ins haja fatg diversas midadas vi da l’optica da la tur, ils pilasters daventian pli resistents e vi da l’isolaziun haja quai dà midadas. Perquai stoppia la dumonda da bajegiar vegnir inoltrada da nov a la vischnanca da Surses. Netzer spera ch’i dettia questa giada nagins recurs, cun la populaziun da Mulegns saja el en in dialog permanent. Sche tut gartegia, duess la tur vegnir bajegiada la primavaira da l’auter onn.

RTR actualitad 17:00

Artitgels legids il pli savens