La Lia Rumantscha è ina uniun dal maun public. Ella survegn bunamain 3 milliuns francs ad onn dal chantun e da la Confederaziun. Perquai è la Lia obligada da declerar bain tge ch'ella fa. La sonda ha la presidenta Urezza Famos la schanza da mussar a las delegadas ed als delegads daco ch'i dovra ina reorganisaziun uschè gronda e co che la Rumantschia profitescha da quella.
E sche quai na gartegia betg, pudessi vegnir stretg per in copresidi dad Urezza Famos e Bernard Maissen. Profitar da quest battibugl pudess lura l'anteriur diplomat Chasper Sarott. Er el vuless surpigliar il timun da l'organisaziun tetgala rumantscha.
Sara Hauschild
Redactura Telesguard
