«Countdown da la vita»
Ils 5 da mars fin ils 13 da settember pon ins visitar l'exposiziun cun il titel «countdown da la vita». Quella mussa la diversitad dal daventar vegl en il mund da plantas, animals, bulieus ed umans. Il temp cuntinuescha senza pausa ed enconuscha mo ina direcziun.
Cumpareglià cun ina mustga efemera, ch'è vegn forsa mo 1 emna veglia, po in squagl da la Grönlanda daventar 400 onns vegl.
Tut e tuts vegnan pli vegls. L'exposiziun tematisescha dumondas sco: pertge vivan intginas creatiras pli ditg ch'autras? Datti era creatiras che na vegnan insumma betg pli veglias? E tgi vul esser immortal? L'exposiziun è vegnida producida dal museum d'istorgia natirala da Friburg.
«Fastizs»
Fastizs èn omnipreschents en la natira – pattas d'animals, fastizs da pavel, da sgriffels u d'excrements, plimas bittadas giu e bler auter. Tgi ch'è abel da leger fastizs, po vegnir a savair bler davart ils chaschunaders dals fastizs e davart ils eveniments en la natira. Savens n'èn quels betg directamain visibels per nus umans. Cun gieus e lavurs interactivas pon grond e pitschen chattar ora tge fastizs che tutgan tar tge animal.
Quest tema vegn tractà en l'exposiziun speziala «fastizs». L'exposiziun è vegnida elavurada dal Museum da la natira da Soloturn. En il Museum da la natira dal Grischun vegn ella preschentada dals 15 d'october 2025 fin il favrer 2027.