Sandra Blum raquinta paraulas - «La rolla da la Greta è ina part da mai»

Sandra Blum è enconuschenta sut il num «Magd Greta», per rumantsch la fantschella Greta. En quella rolla porta ella vinavant paraulas veglias per pign e grond. La passiun per il sa vestgir e star sin tribuna haja gia entschiet fitg baul, declara Sandra Blum. Gia sco buobetta carezava ella da sa fultschar en da tuttas rollas. Oz è ella persvadida che las paraulas èn bler dapli che sulet divertiment per pitschen e grond; ellas transportian era valurs e sabientscha da la vita.

Per Sandra Blum – ch'ha studegià germanistica ed istorgia – è il guaud in lieu da recreaziun e misteri, in lieu spir magia e figuras da paraulas. Sco fantschella Greta va ella da lieu tar lieu per raquintar e dar vinavant las paraulas viglias. Cun quella rolla sa senta ella spezialmain colliada, la figurà saja ina part d'ella.

Durant ses raquints ha Sandra Blum savens observà che las tematicas da las paraulas han ina colliaziun cun sia atgna vita. Ellas reflecteschien blera sabientscha e valurs. Cun enconuscher las paraulas, possien ins scuvrir bler davart sasez, di Sandra Blum.