Siglir tar il cuntegn

Header

cuntegn

55,8% Na al parc da vent Renfatschas envers la vischnanca

L' investur accepta il resultat, renfatscha dentant, che la vischnanca haja influenzà la votaziun.

La populaziun da la Lumnezia na vul nagin parc da vent sin lur territori da vischnanca. 55,8% da las votantas e dals votants han ditg Na en la votaziun consultativa ed il project dal parc da vent na vegn betg persequità vinavant. Uschia vegn tratg sut ina discussiun ch'ha cuzzà prest 10 onns in stritg final.

Renfatschas da l'investur

Per l'investider Guido Schönenberger èsi cler che ses project ha fatg naufragi. El renfatscha a la vischnanca da betg avair giugà cun chartas avertas. Cun betg prender posiziun envers il project, haja la suprastanza de facto transportà il messadi ch’ella na sustegnia betg il project.

Sez la culpa

Il president communal da la Lumnezia, Duri Blumenthal, renviescha las renfatschas. Schönenberger saja sez la culpa, sch’el n’haja betg pudì persvader la populaziun. L'istorgia dals davos 10 onns cun differentas midadas da persunal e firmas ha manà al resultat final.

Istorgia

Cun l'empermischun da l'investider d'allontanar proxima primavaira tut il material che saja anc sin l'Um Su va il chapitel «Parc da vent» en Lumnezia a fin.

Ord l'archiv:

In sguard en l'archiv mussa, che realisar in parc da vent en la regiun da la Lumnezia e Sursaissa è gia dapi divers onns en discussiun.

RTR actualitad 12:00