Siglir tar il cuntegn

Header

cuntegn

Flem Iniziativa per salvar il center da sport vegn retratga

Ils iniziants han decis da retrair l’iniziativa per salvar il center da sport Prau la Selva. Quai suenter ina discussiun cun la suprastanza e suenter cussegliaziuns internas. Quai communitgescha la vischnanca da Flem ed il comité d'iniziativa.

Las duas partidas sajan sa cunvegnidas da desister da la votaziun a l’urna dals 29 da november e da surdar la fatschenta a la nova suprastanza ch’entra en uffizi l’entschatta da l’auter onn. La dumonda davart la direcziun da la decisiun – pia cun u senza halla da glatsch – resta cunquai averta e sto vegnir tractada pli tard.

Proposta era vegnida a la radunanza communala

L’entschatta october avevan la suprastanza ed il comité d’iniziativa preschentà a la populaziun lur ideas per il center da sport Prau la Selva. La suprastanza aveva fatg ina cuntraproposta a l’iniziativa. A la radunanza communala eri lura però vegnì la dumonda da spustar la votaziun a l’urna. Quai cun l’argument che la nova suprastanza duai prender a mauns il project.

RTR novitads 20:00

Artitgels legids il pli savens

Scrollar a sanestra Scrollar a dretga