Dus implants èn gia en funcziun si Mustér, ed ensemen produceschan quels or da laina da la regiun radund 19 milliuns kilowatt-ura energia en furma dad aua chauda. Quai munta ad in equivalent d’ieli da passa 2,1 milliuns liters.
Nus faschain nossa fatschenta cun vender energia. E quell’energia savain nus vender pir cura che nus avain temperaturas fraidas. Per nus munta pli fraid e pli gugent.
Stabil, regiunal, e pauc mantegniment
Da la claustra sur ils ressorts fin tar il center da sport Fontauna: la clientella stima la fidadadad ed ils sforz minims ch’ins sto impunder sez en il stgaudament – era sch'i custa ad els il mument anc dapli che stgaudar cun ieli.
Cumenzament da la gallaria da maletgs
Sursiglir la gallaria da maletgs
-
Bild 1 von 3. Clients da la chalur a distanza èn chasadas privatas ... Bildquelle: RTR.
-
Bild 2 von 3. ... la claustra Mustér ... Bildquelle: RTR.
-
Bild 3 von 3. ... ed era il center da sport Fontauna. Bildquelle: RTR.
Fin da la gallaria da maletgs
Returnar al cumenzament da la gallaria da maletgs.
Quels che han anc in stgaudament d’ieli sco sistem redundant nizzegian quel mo en cas urgents u per cuvrir ils basegns maximals. Quai demussa era la dumonda. Gia proxima primavaira èsi planisà da schlargiar puspè la rait e colliar anc dapi chasadas vi da la chalur a distanza.