Siglir tar il cuntegn

Header

audio
Il solarexpress dat gas en il Grischun
Or da Actualitad dals 26.12.2023. Maletg: RTR
laschar ir. Durada: 5 minutas 52 Secundas.
cuntegn

Revistas 2023 Il Solarexpress festina tras las valladas grischunas

L'atun e l'enviern da l'onn passà èn stads marcads da la crisa d'energia. Ed ina dumonda era: Vegn la Svizra ad avair avunda electricitad? Ina consequenza da quest quità èn stadas las mesiras d'urgenza per il provediment d'electricitad l'enviern ch'il parlament ha decidì, numnà Solarexpress

Cun il Solarexpress vul la Confederaziun promover tant pli spert grondas ovras solaras en il territori alpin. Per che las producentas d'electricitad possian bajegiar questas ovras solaras, ston ellas survegnir il consentiment da las vischnancas, pli precis da la populaziun. Uschia che l'onn 2023 è stà l'onn da las votaziuns d'ovras solaras.

L'onn 2023 hai dà en tut 10 votaziuns communalas davart grondas ovras solaras. Set projects han survegnì il consentiment dal suveran communal, a trais ha il suveran dà in chanaster. Cunquai che las ovras solaras stuessan esser vid la rait enfin la fin dal 2025 e producir in tant electricitad per profitar da las subvenziuns federalas, èn las producentas d'electricitad sut squitsch. Tut sto ir spert, ina sfida er per las vischnancas, las votantas ed ils votants.

Set projects han superà las votaziuns, trais betg

Bain che las votaziuns èn in da plirs obstachels avant che grondas ovras alpinas pon vegnir realisadas en il territori alpin, fan enfin qua ils suandants projects:

Naufragi a l'urna u a la radunanza communala han ils suandants projects fatg:

Davart il pli grond project, quel en la Val Nandro sin il territori da la vischnanca Surses, ha il suveran da votar l'onn proxim.

RTR actualitad 17:00

Artitgels legids il pli savens