La chalira en la Bassa carmala actualmain blera glieud en las muntognas. Qua è la chalira pli supportabla: Sin in'autezza da 1'500 m èsi var 25 grads chaud, sin 2'000 m bundant 20 grads. Per il pli sufla er anc in ventin. Tuttina pudess l'in u l'auter esser trumpà, la vista en il lontan è restrenschida.
Mardi bun'ura en las muntognas
-
Bild 1 von 6. Piz Nair, San Murezzan. Bildquelle: SRF Meteo.
-
Bild 2 von 6. Muottas Muragl, San Murezzan. Bildquelle: SRF Meteo.
-
Bild 3 von 6. Alp Dado, Breil. Bildquelle: SRF Meteo.
-
Bild 4 von 6. Weissfluhjoch, Tavau. Bildquelle: SRF Meteo.
-
Bild 5 von 6. Motta Naluns, Scuol. Bildquelle: SRF Meteo.
-
Bild 6 von 6. Piz Mundaun, Surcuolm. Bildquelle: SRF Meteo.
Aria turbla entras pressiun auta
Actualmain ves'ins en las muntognas radund 80 kilometers en il lontan. Durant l'enviern tar pressiun auta ves'ins schizunt fin a 300 kilometers en il lontan. Dentant tar ina fasa pli lunga da pressiun auta na vegn l'aria strusch barattada, cunquai ch'i dat pauc vent. En las stresas d'aria s'accumuleschan pia diversas particlas u er umiditad che turblan la vista. Ultra da quai vegnan l'ultim temp er adina puspè particlas da fim d'incendis da guaud nà da la Frantscha u il Canada che pon er avair in'influenza sin la vista.