- La construcziun dal Ressort Dieni en Val Tujetsch sa retardescha per almain in onn e quai ord raschuns logisticas. Planisà era da cumenzar a bajegiar il ressort il 2026.
- A Glion vai per la dumonda: in parlament pli pitschen cun 17 enstagl 25 sezs u turnar tar la radunanza communala. La cummissiun preparatorica dal parlament preferescha l'emprima varianta. Davart quella ed autras midadas en la constiuziun vegn il suveran dad Ilanz/Glion a votar il 2026.
- Il process en connex cun la bova da Bondo sa retardescha anc ina giada e vegn ad esser pir il 2026. I va per sclerir sch'ins avess stuì serras las sendas en Val Bondasca gia pli baud ed avess pudì evitar la mort dad otg persunas.
- Il parlament dal Vallais ha dà glisch verda ad in credit da 10 milliuns francs per sustegnair persunas, firmas ed uniuns pertutgadas da la bova da Blatten. Concret duain persunas survegnir 1'000 francs per mais e quai durant in onn, perins survegnen 1'600. Cun tge summas che firmas pon quintar, vegn guardà da cas a cas.
Themen in diesem Newsticker
- HCD cun segunda victoria en il segund gieu
- I smanatscha praschun a Bolsonaro
- Commemoraziun per las unfrendas dals 11 da settember 2001
- Germania rinforza sustegn per Pologna
- Cross-country: bronz per la staffetta maschadada
- Dapli prescripziuns per traffic da martganzia sin binaris
- Dapli mussaments: dretgira sposta process Bondo sin il 2026
- Tschains directiv europeic resta tar 2%
- Ressort Dieni ha retard
- Parlament na vul betg sancziunar colonists violents en Gaza