La Svizra metta 11 ulteriurs pajais sin la glista dals pajais da ristga. A partir dals 14 da december ston uschia persunas che viagian da 15 pajais en Svizra ir per 10 dis en quarantina.
Sin la glista chattan ins da nov er puspè pliras regiuns en l'Italia e l'Austria, communitgescha l'Uffizi federal da sanadad. En l'Italia èn quai Emilia Romagna, il Friaul e Venezia. En l'Austria pertutga quai las regiuns Kärnten e la Steiermark. L'Austria Auta e la Steiermark èn gia uss sin la glista.
Nov èn ils suandants pajais sin la glista da quarantina:
- USA
- Portugal
- Pologna
- Ungaria
- Georgia
- Lituania
- San Marino
- Serbia
- Croazia
- Macedonia dal Nord
- Jordania
- Proxim Orient
Fin uss eran dasper las duas regiuns da l'Austria e la Polinesia Franzosa, ils pajais Luxemburg, Montenegro, Tschechia ed Andorra pertutgads da l'obligatori da quarantina. La Tschechia vegn uss dentant puspè stritgada da la glista.
