La firma Omnisec da Dällikon, chantun Turitg, era la pli gronda concurrenta da la Crypto SA ch'è vegnida il favrer en las lingias grassas sco «fabrica da spiunadi». Er dad Omnisec hai dà famas davart l'influenza da servetschs secrets da l'exteriur. Fin uss eran las famas mai concretas. Uss conferman dentant pliras funtaunas che la firma turitgaisa è stada influenzada.
Omnisec ha producì apparats da codar manipulads. Quels eran en funcziun tar plirs posts federals sco era tar la banca UBS fin il mez dals onns 2000. Il departament federal da defensiun, il servetsch da novitads da la Confederaziun ed il Cussegl federal n'han betg vulì s'exprimer en chaussa. Omnisec è sa schliada avant 2 onns gist sco la Crypto SA.
audio
Per tadlar curt e cumpact
ord RTR Audio dals 26.11.2020.
laschar ir. Durada: 1 minuta 3 Secundas.
