Siglir tar il cuntegn

Header

audio
Ils temas da la sessiun a Berna
Or da Actualitad dals 04.12.2023. Maletg: Keystone
laschar ir. Durada: 5 minutas 33 Secundas.
cuntegn

Bleras tractandas a Berna Parlament cun 67 novas e novs stat avant emprims tests

A Berna ha la nova perioda da legislatura cumenzà. La glista da tractandas:

  • Il tema dominant vegnan las elecziuns dal Cussegl federal ad esser. Il sez d'Alain Berset sto vegnir occupà da nov. Sin il ticket da la PS èn il Grischun Jon Pult ed il Basilais Beat Jans. I va era per l'elecziun da tut ils cussegliers e cusseglieras en uffizi, ed er il chancelier federal vegn elegì.
  • Debattas da budget vegnian er a fatschentar, e mesiras da spargn.
  • Il Cussegl naziunal vegn a sa fatschentar cun ina lescha che lubescha da bajegiar pli svelt ovras solaras, idraulicas ed eroelectricas.
  • La lescha da CO2 vegn en il Cussegl naziunal. Il sboz dal Cussegl federal che prevesa nagins ulteriurs scumonds e tschains, è vegnì approvà dal Cussegl dals chantuns.
  • I vegn er discurrì sur l'economia circulara, e l'iniziativa da biodiversitad.
  • La PPS ha inoltrà duas moziuns per abolir il dretg d'asil per dunnas da l'Afghanistan.
  • I vegn er decidì davart in scumond da la Hamas en Svizra.
  • Ed il Cussegl federal pudess obtegnair dapli libertads da laschar exportar armas en pajais che na resguardan ils dretgs umanitars.

Tut questas tractandas spetgan er las parlamentarias ed ils parlamentaris nov elegids. En tut èn quai 54 en il Cussegl naziunal e 13 en il Cussegl dals chantuns.

Ulteriuras elecziuns impurtantas da questa sessiun d'enviern datti per uffizis en il parlament. I vegn elegì novs presidents da las chombras ed commembras e commembers da las cumissiuns.

RTR Actualitad 12:00

Artitgels legids il pli savens