Siglir tar il cuntegn

Header

cuntegn

Experts da la Confederaziun Patrick Mathys: «Memia baud per vegnir euforic»

L'Uffizi federal per sanadad BAG ha renvià las pretensiuns d’abolir las mesiras da corona. Il punct culminant da l'unda dad Omicron na saja anc betg cuntanschì. Quai ha ditg oz Patrick Mathys, manader da la secziun superaziun da crisas e collavuraziun internaziunala tar l'Uffizi federal da sanadad (BAG), davant las medias.

Omicron sa derasa spert

La varianta omicron sa derasia spert en Svizra. 90% da tut ils cas sajan cas dad omicron. Il dumber da persunas infectadas creschia vinavant. L'Uffizi federal da sanadad quinta vinavant cun in'auta cifra inuffiziala. Patrick Mathys quinta, che mintga vi vegnan infectadas var 100'000 persunas cun Covid. La Svizra tutgia vinavant tar ils pajais cun las pli bleras infecziuns en congual cun il dumber d'abitantas ed abitants. Las ospitalisaziuns e da persunas sin staziun intensiva sajan stabilas, ni tschessan levet.

video
Patrick Mathys: «Memia baud per vegnir euforic»
Or da News-Clip dals 25.01.2022.
laschar ir. Durada: 1 minuta 17 Secundas.

Schluccadas da las mesiras vesa il BAG critic. Actualmain stoppian ins esser precaut, uschia Patrick Mathys.

Mancanza da persunal pervia da infecziuns

Persunas infectadas ston ir en isolaziun. Perquai mancan quellas adina dapli tar la lavur. Tranter 30-45% dals manaschis rapportian, che persunal che croda or saja ina sfida. Sin quai ha fatg attent Jan-Egbert Sturm, vicepresident da la Taskforce naziunala da Covid. Plinavant saja pussibel ch'i dettia stretgas tar la furniziun. Perditas pervia mesiras da corona haja dentant mo dà tar 1% da las firmas dumandadas. L'economia saja puncto svieuta relativ stabila en la situaziun actuala, uschia Jan-Egbert Sturm.

video
Jan-Egbert Sturm davart mancanza da persunal
Or da News-Clip dals 25.01.2022.
laschar ir. Durada: 25 Secundas.

RTR novitads 15:00

Artitgels legids il pli savens