Siglir tar il cuntegn

Header

cuntegn

Iniziativa da tgira Adversaris teman custs pli auts

L'iniziativa da tgira giaja sur las lattas ora – uschia argumentescha in comité independent che s'engascha per in Na a l'iniziativa. Part dal comité fan politichers da la PLD, da las PPS e da l'Allianza dal Center. Els sustegnan la cuntraproposta ch'il parlament ha elavurà enstagl da l'iniziativa. La finamira da l'iniziativa, da rinforzar la tgira, haja il parlament resguardà en sia proposta, scriva il comité Na. Las autras pretensiuns da l'iniziativa sajan dentant surfatgas. Tranter auter na tutgian las pajas per ina branscha betg en la Constituziun federala. Ultra da quai s'augmentassan ils custs, sch'il persunal da tgira pudess quintar giu las prestaziuns directamain cun las cassas da malsauns.

Emprim trend: Votantas e votants per iniziativa

L'iniziativa dal pievel ha tuttavia schanzas sin success. Quai demussa ina retschertga actuala da la SRG/SSR. Fiss il suveran svizzer ì ils 9 d'october a l'urna avessi dà in cler Gea per l'Iniziativa da tgira. 78% da las votantas e dals votants avessan sustegnì l'iniziativa che pretenda che la Confederaziun ed ils chantuns promovan la tgira sco element impurtant dal provediment da sanadad en Svizra.

Ord l'archiv

video
Cussegl federal e parlament per cuntraproposta
Or da News-Clip dals 12.10.2021.
abspielen. Laufzeit 1 minuta 3 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga