Il deal tranter Sunrise e UPC ch'è ì da l'aua giu ha consequenzas:
- Il CEO da Sunrise, Olaf Swantee, sa retira per immediat.
- Ad el succeda André Krause, il schef da finanzas da fin qua.
- Il president dal cussegl d'administraziun Peter Kurer na candidescha betg pli a chaschun da la radunanza da commembers da quest onn.
- Era il vicepresident Peter Schöpfer na stat betg pli a disposiziun per quest uffizi.
Swantee vegn a sustegnair il schef da concern anc fin tar la radunanza generala l'avrigl 2020. Quai per garantir ina « midada da direcziun senza difficultads», hai num en ina communicaziun.
Legenda:
André Krause, schef da finanzas da fin qua, vegn davent l'avrigl 2020 schef da la Sunrise.
Keystone
Il favrer passà aveva Sunrise dà enconuschent ch'ins veglia cumprar il gestiunari da raits da cabels UPS per 6,3 milliardas francs. La cumpra è però fruntada sin resistenza vehementa tar ils acziunaris. L'october è il deal lura vegnì ditg giu definitivamain.
Ord l'archiv
video
Sunrise fraina surpigliada da UPC
Or da Tagesschau dals 22.10.2019.
laschar ir. Durada: 4 minutas 17 Secundas.
RTR novitads 08:00
