Siglir tar il cuntegn

Header

Dus umens cun placat che pretenda in stop d'exports d'armas en Tirchia.
Legenda: Il Cussegl federal duai interrumper ils exports d'armas en la Tirchia. Keystone
cuntegn

Petiziun Cussegl federal duai franar exports dad armas en Tirchia

8'000 persunas ch'han suttascrit la petiziun pretendan dal Cussegl federal in immediat stop dad exports dad armas en Tirchia. L'organisaziun Campax ha inoltrà la gievgia la petiziun a Berna. Raschun è l'offensiva da la Tirchia en il nordost da la Siria ch'è administrà dals Curds.

Las suttascripziuns ch'èn vegnidas ramassadas en be duas emnas èn drizzadas al minister d'economia, Guy Parmelin. L'Ollanda, la Svezia, la Norvegia, la Finlanda e la Germania hajan gia franà lur exports dad armas en Tirchia, scriva l'organisaziun.

Fertant che l'armada tirca attatgia il pievel curd, exporteschia la Svizra vinavant material da guerra en il pajais al Bosporus. Il Secretariat da stadi per l'economia stoppia immediat interrumper quella pratica, pretenda la petiziun.

L'attatga da l'armada tirca ch'ha cumenzà ils 9 d'october ed è cuntaria al dretg internaziunal, ha gia chaschunà numerusas unfrendas er da persunas civilas. 100'000 persunas èn vegnidas stgatschadas.

Ord l'archiv:

Video
Conflict da guerra tranter Siria e Tirchia
Or da Minisguard dals 19.10.2019.
laschar ir

RR novitads 16:00