La presidenta da la Partida liberaldemocratica Svizra, Petra Gössi, sa retira. Il pli tard sin la fin da l'onn veglia ella metter a disposiziun ses mandat, ha Gössi communitgà via Twitter. Ella veglia sa concentrar pli ferm sin sia carriera professiunala, ha Gössi argumentà sia decisiun ed ella haja discutà quest pass cun la direcziun da la partida. Sco cussegliera naziunala vegnia ella a cuntinuar.
Gössi è vegnida sut squitsch suenter che la cunvegna da basa ha fatg naufragi. Er en connex cun la Lescha da CO2 ch'è vegnida refusada la dumengia, è la presidenta da la PLD vegnida crititgada.
Petra Gössi è stada durant ils ultims tschintg onns presidenta da la Partida liberaldemocratica Svizra.
