Siglir tar il cuntegn

Header

cuntegn

Auzament taglia sin plivalur Taglia sin plivalur: 12,4 milliardas per l'AVS

Sco era en il GR, n'è l'auzament da la taglia sin plivalur betg uschè cnap e dispitaivel cun 55,1% Gea.

AVS 21: Auzar la taglia sin la plivalur

Svizra: AVS 21: Auzar la taglia sin la plivalur

  • GEA

    55.1%

    1'570'785 Vuschs

  • NA

    44.9%

    1'281'375 Vuschs

Vuschs dals chantuns

  • GEA

    18.0

  • Na

    5.0

Funtauna gfs.berna

Avrir la box Serrar la box

Las calculaziuns approximativas fa l'institut da perscrutaziun gfs.berna sin incumbensa da l'entira SRG SSR. Quellas sa basan sin vischnancas da referenza che tramettan al team da gfs.berna lur resultats finals. La quota da sbagls munta a +/- 3,0 puncts procentuals.

Auter che l'auzament da la vegliadetgna da pensiun paran votantas e votants en la Svizra d'esser pli d'accord davart auzar la taglia sin plivalur. 55,1% da las votantas e dals votants han ditg Gea a l'auzament da la taglia sin plivalur per gidar l'AVS. Il pli dals chantuns ha il project gia cuntanschì baud e munta a 18 da 23 vuschs da chantuns. Cunquai che l'augment da la vegladetgna da pensiun tar las dunnas è era acceptà, po uschia la revisiun da l'AVS 21 ir en vigur.

Grischun di Gea a l'auzament da la taglia sin plivalur

Era Grischunas e Grischuns han decidì da generar dapli entradas per l'AVS cun auzar la taglia sin la plivalur – quai cun 58.54%. Cunquai che l'auzament da la vegliadetgna da pensiun per dunnas è era acceptà en il Grischun, approva il suveran grischun uschia l'entira refurma da l'AVS 21.

Grischun: AVS 21: Auzar la taglia sin la plivalur

GEA 58.54%, Na 41.46%

Resultat 

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

Per tge ch'i va

Las contribuziuns che Svizras e Svizzers pajan a l’Assicuranza da vegls e survivents na bastan en l’avegnir betg per pajar las rentas a persunas che van en pensiun. Perquai ha proponì la Confederaziun cun la refurma «AVS 21» da stabilisar l'AVS cun spargnar extradas e generar dapli entradas.

Uschia vegn la taglia sin la plivalur auzada da 7,7% sin 8,1%. Questa mesira duai purtar 12,4 milliardas supplementaras en cassa. Ma perquai che las entradas be da quai na tanschan betg, vegn era la vegliadetgna da pensiun per las dunnas auzada sin 65 onns.

RTR novitads 12:00+

Artitgels legids il pli savens