Siglir tar il cuntegn

Header

video
Co è la sessiun a Berna per ils parlamentaris grischuns
Or da Telesguard dals 04.05.2020.
laschar ir
cuntegn

Sessiun extraordinaria Debattar sin distanza

Dapli colonnas, pli pauc canera: La sessiun extraordinaria sut cundiziuns spezialas ha cumenzà.

Ch'i saja pli quiet en sala, di il cusseglier naziunal grischun Martin Candinas. Ils dus meters distanza tranter ils parlamentaris pudessan cuntentar la presidenta dal Cussegl naziunal, Isabelle Moret, ch'ha normalmain adina puspè da far attent cun in «psssst» la Chombra gronda sin la canera.

Ins chattia simplamain autras vias per far ils discurs, di il cusseglier naziunal Jon Pult. Impurtant saja uss ch'il parlament possia vegnir ensemen e debattar davart la situaziun extraordinaria e tut las decisiuns che stettian en connex cun quella. Da quest avis è era Sandra Locher-Benguerel. Dentant haja ella fatg l’experientscha ch'il manaschi da la sessiun pateschia in zic sut las cundiziuns spezialas. I na saja uss betg pli «svelt» pussibel dad ir ed argumentar per in supplica cun ils collegas e las collegas. Quell'experientscha ha ella fatg cun ina moziun. Dumandar per sustegn stoppia ella uss via digitala tar ils collegas.

Che l’ambient na saja betg ideal, dentant acceptabel, di era la cussegliera naziunala Magdalena Martullo-Blocher. Per quels milliuns ch'ins haja investi en la sessiun avess ella almain spetgà in squitschader. Ma ina situaziun extraordinaria saja per tuts speziala, era per ils parlamentaris. Dentant na para quella a Berna betg uschè speziala sco en la patria dad Anna Giacometti. Da constatar che la vita paria dad esser enavos en la citad da Berna, saja surprendent. Cunquai ch'en Bregaglia saja tut anc fitg vid e precaut.

La sessiun extraordinaria ha pretendì bler dals parlamentaris gia avant il cumenzament – las cumissiuns han davos ellas emnas intensivas ed era il program da la sessiun è vegnì pir venderdi saira. Uschia haja la sessiun stuì vegnir planisada la fin d'emna. Dentant, era sch'il temp saja stà stgars, sajan tuts pronts per las debattas.

RTR actualitad 17:00

Artitgels legids il pli savens

Scrollar a sanestra Scrollar a dretga