Siglir tar il cuntegn

Header

cuntegn

Studi davart il clima Ir cun skis da Nadal è periclità en avegnir

Ir cun skis da Nadal na po betg vegnir garantì en l'avegnir, malgrà naiv artifiziala. A questa conclusiun vegn in studi da l'Universitad da Basilea.

Vi da l'exempel dal territori da skis Andermatt-Sedrun-Mustér han perscrutadras e perscrutaders examinà, tge influenza che la midada dal clima ha. Ennavaziun artifiziala possia bain garantir ina stagiun da skis d'enturn 100 dis sur 1’800 meters sur mar. Per la fatschenta sur las vacanzas da Nadal pudessia dentant vegnir stretg ils proxims decennis. Avant na vegni numnadamain betg fraid avunda. La fisica mettia a l'ennavaziun artifiziala cunfins natirals, uschia ils resultats dal studi.

I dovra enorm blera aua

Per far dapli naiv vegn era il diever da l'aua a s'augmentar. Enfin la fin dal tschientaner quinta il studi cun in augment da 80%. Il territori Andermatt-Sedrun-Mustér dovra actual radund 300 milliuns liters che vegnan da las reservas d'aua da l'Alpsu. La fin dal tschientaner duvrass il territori 540 milliuns liters. Las reservas tanschan dentant mo fin la mesadad dal tschientaner e vegnan era duvradas per la producziun d'electricitad. Quai chaschuna conflicts.

Il resultat è che tut vegn pli char entras l'ennavaziun. Persunas cun in'entrada normala na vegnan betg pli a pudair sa prestar vacanzas da skis.

audio
Per tadlar: curt e cumpact
ord RTR Audio dals 28.12.2022.
laschar ir. Durada: 1 minuta 5 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga