Lescha da segundas abitaziuns
Il parlament schlucca las restricziuns da construcziun en vischnancas cun bleras segundas abitaziuns (lescha da segundas abitaziuns). Ins duai pudair stgarpar giu, bajegiar da nov, sanar ed engrondir fin in tschert punct chasas ch'èn vegnidas construidas avant il mars 2012 e pudair utilisar quellas senza restricziuns.
Iniziativa da tubac
Per ils ins vai memia lunsch, per ils auters èsi memia pauc restrictiv. Il Cussegl naziunal ha refusà il project per restrenscher pli fitg reclama da tubac per uffants e giuvenils. Cun quai va il project enavos en il Cussegl dals chantuns.
Daners per il Vereina
Ils gestiunaris da staziuns per il transport d'autos survegnan da la Confederaziun in agid d'investiziun da 106 milliuns francs. Da quests daners profitescha tranter auter er il tren d'autos tras il tunnel dal Vereina da la Viafier retica.
E-ID
Il Cussegl naziunal di Gea ad ina ID electronica statala. Avant trais onns aveva il suveran sepulì ina varianta privata.
Midada da sistem tar elecziuns federalas
Tar las ultimas elecziuns federalas èn sa participadas passa 5'900 candidatas e candidats sin passa 600 glistas. Questa fulla ha motivà plirs parlamentaris d’inoltrar propostas per simplifitgar il proporz, il sistem actual d’eleger il Cussegl naziunal.