Da l’avrigl enfin il zercladur han Svizras e Svizzers fatg 63,6 pertschient damain kilometers cun il traffic public. Quai mussan las cifras da l'Uniun dals transports publics. Tar il traffic da rauba muntia il minus da kilometers fatgs a 13,9 pertschient.
Tenor las Viafiers federalas svizras è la dumonda sbassada durant quel temp per fin a 80 pertschient. Fin uss saja anc intschert quant ditg ch'i dovria enfin ch'il traffic public sa revegnia puspè da las consequenzas da la crisa da corona. Las interpresas dal traffic public hajan fatg grondas sperditas ch'ellas na possian betg cumpensar ord atgna forza.
Il Parlament federal debattescha en la sessiun d'atun davart in sboz da cumpensar las perditas. I va per ina summa da 800 milliuns francs.
