Siglir tar il cuntegn

Header

cuntegn

UBS Acziunaris approvan agir da direcziun

I haja stuì ir svelt, di il president dal cussegl administrativ Colm Kelleher. Perquai n'haja ins betg pudì dumandar ils acziunaris sch'i saja bun da surprender la Credit Suisse. Quai portia dentant schanzas, malgrà ils ristgs, di Kelleher.

Cussegl administrativ fa adia da CEO Ralph Hamers.
Legenda: Cussegl administrativ fa adia da CEO Ralph Hamers. Keystone

Finanzialmain possia la fusiun esser attractiva per ils e las acziunarias, ha ditg Kelleher a la radunanza generala. E tenor vicepresident Lukas Gähwiler saja l'UBS er suenter la fusiun betg memia gronda.

Er dà critica davart dals acziunaris

Ils acziunaris han dà cun gronda maioritad la distgargia per la direcziun. I ha dentant dà intgins puncts da critica, sco che l'UBS finanziescha projects d'ieli e carburants fossils. E betg inclus en la distgargia dals acziunaris è la dispita da taglias cun la Frantscha.

La fin da la radunanza ha CEO Ralph Hamers surdà ad anteriur CEO Sergio Ermotti. Quel duai integrar la Credit Suisse en l'UBS, cuzzar vegnia quai circa trais fin quatter onns.

audio
Per tadlar: curt e cumpact
ord RTR Audio dals 05.04.2023.
laschar ir. Durada: 46 Secundas.

RTR novitads 18:00

Artitgels legids il pli savens