Siglir tar il cuntegn

Header

video
Il quartet russ triumfescha avant la Norvegia
Or da Beijing 2022 Clips dals 13.02.2022.
laschar ir. Durada: 35 Secundas.
cuntegn

Passlung staffetta umens Trumpada per quartet svizzer

La staffetta svizra cun Dario Cologna, Jonas Baumann, Candide Pralong e Roman Furger cuntanscha be il 7avel plaz en la cursa da 4 giadas 10 kilometers. Enstagl da pudair cumbatter per ina medaglia han ils svizzers stuì sa cuntentar cun in diplom olimpic.

Las medaglias:

  1. Russia 1:54.50 uras
  2. Norvegia +1:07 min.
  3. Frantscha +1:16 min

Ils Svizzers han pers gia baud il contact cun ils megliers e la finala cuntanschì l'arrivada cun in retard da 5:22 minutas sin ils Russ. Ils dus rumantschs, Dario Cologna e Jonas Baumann, ch'èn currids en il stil classic han er gì difficultads cun lur material. Candide Pralong ed a la fin Roman Furger ch'èn currids las duas parts en il stil liber han defendì il 7avel plaz.

Russia ina classa per sasezza

Triumfà a moda suverana ha il quartet da la Russia cun tranter auter Alexander Bolschunow. Gia sin ils emprims kilometers èn ils Russ vegnids da scappar da la concurrenza e la finala cuntanschì l'arrivada cun in avanatg da passa ina minuta sin ils gronds rivals da la Norvegia. Grazia a Johannes Hösflot Klaebo hai almain dà argient per ils defensurs dal titel. La medaglia da bronz gudogna il quartet da la Frantscha.

video
Sco davos curridur svizzer vegn Roman Furger en l'arrivada
Or da Beijing 2022 Clips dals 13.02.2022.
laschar ir. Durada: 40 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga