Siglir tar il cuntegn

Header

cuntegn

Campiunadi svizzer a Sedrun Ils da Tavau procuran per la musica

Alina Meier e Jason Rüesch, omadus da Tavau, èn ils novs campiuns svizzers da passlung en la cursa cun partenza singula. Meier ha triumfà tar las dunnas d’elita en la cursa da 5 kilometers, Rüesch en quella dals umens d’elita sur 15 kilometers stil liber.

Per Jason Rüesch èsi gia il quart titel da campiun svizzer. Il 2016 avev’el gudagnà la cursa da persecuziun, in onn pli tar la cursa da 15 kilometers ed in di pli tard er la cursa da persecuziun. A Sedrun ha Jason Rüesch ch’ha 26 onns triumfà avant Dajan Danuser e Livio Bieler da Panaduz.

Alina Meier, campiunessa svizra en la cursa da staffetta il 2016 ed en la cursa da 5 kilometers stil classic il 2018, ha gudagnà a Sedrun avant Anja Weber e Désirée Steiner, er ella ina curridra da Tavau. A la partenza è er stada Seraina Boner. L’anteriura passlungista da la cuppa mundiala e spezialista da distanzas lungas è vegnida 7avla.

Cla-Ursin Nufer manchenta ina medaglia

Ina buna prestaziun ha er il mattadur local, Cla-Ursin Nufer mussà. El è vegnì en la categoria dals umens U20 5avel tar quest campiunadi svizzer sin sia loipa da chasa. Per in plaz da podest han sulet bun tschintg secundas mancà. Gudagnà tar ils umens U20 ha Antonin Savary.

Al segund di dal campiunadi svizzer a Sedrun spetgan la dumengia las cursas da persecuziun, quella dentant en il stil classic.

RTR actualitad 17:00

Artitgels legids il pli savens

Scrollar a sanestra Scrollar a dretga