Siglir tar il cuntegn

Header

video
Bienna resta sin la via da victur – era cunter il HCD
Or da Sport-Clip dals 18.09.2021.
laschar ir
cuntegn

Terrada per il HCD Nagins puncts cunter Bienna ch'è uss emprim da la tabella

En las emprimas 20 minutas da la partida Bienna cunter Tavau n'hai dà nagins gols. En la 25avla minuta grategia Damien Brunner lura per Bienna, e diesch minutas pli tard croda il segund gol tras Jere Sallinen. Er en il davos terz na vegn il HCD betg da marcar in gol – anzi fa Michael Hügli per Bienna en la 47avla minuta il 3:0 ch'è lura gist era il resultat final. Per Bienna èsi en la sisavla partida la sisavla victoria.

Damai che Zug ha stuì dar giu in punct en la partida cunter Friburg, è Bienna uss sulet davent en la tabella. Il HCD resta tar ses sis puncts, ed è uss sin plaz 7.

Ils resultats da las ulteriuras partidas:

  • Zug – Friburg 2:1 suenter prolungaziun
  • SCL Tigers – ZSC Lions 2:6
  • Lakers – Losanna 5:1
  • Genevra-Servetta – Lugano 3:5
  • Ajoie – Ambri-Piotta 4:0

RTR novitads 23:00

Artitgels legids il pli savens

Scrollar a sanestra Scrollar a dretga