Siglir tar il cuntegn

Header

video
L'arrivada dals umens sin l'Alpe Cermis
Or da Sport-Clip dals 04.01.2022.
laschar ir
cuntegn

Tour de Ski è a la fin Kläbo tar ils umens, Neprjajewa tar las dunnas

Il Norvegiais Johannes Hösflot Kläbo gudogna sin l'Alpe Cermis a Val di Fiemme per la segunda giada suenter il 2019 il Tour de Ski. L'atlet da 25 onns sa chatta actualmain sin il zenit, davent da l'emprima fin l'ultima cursa n'ha Kläbo laschà nagina schanza a ses concurrents. Er en l'ultima etappa, l'ascensiun sin l'Alpe Cermis, è Kläbo arrivà avant ses grond concurrent, il Russ Alexander Bolschunow en l'arrivada. En il classament general ha Kläbo a la fin gì passà duas minutas avantatg sin Bolschunow.

Gudagnà l'ultima etappa dal tour ha il Norvegiais Sjur Röthe – Kläbo è vegnì 5avel, Bolschunow 7avel. Gist trais Svizzers èn currids en ils puncts, Jonas Baumann sco 16avel, Roman Furger sco 19avel e Candide Pralong sco 27avel. Il meglier Svizzer en il classament general è vegnì Baumann sco 18avel.

Neprejajewa per l'emprima

Natalia Neprjajewa ha gudagnà sco emprima Russa il Tour de Ski. Segunda è vegnida la Svedaisa Ebba Andersson e terza la Norvegiaisa Heidi Weng. En l’ultima etappa sur 10 km sin la Alpe Cermis, è Natalia Neprjajewa vegnida quarta. Gudagnà l’etappa ha la Norvegiaisa Heidi Weng.

Meglra Svizra è stada Nadine Fähndrich sco 26avla. En il classament final è la Svizra 18avla. Oriund aveva la Svizra spetgà ina meglra prestaziun. Tar l'entschatta, a Lai, aveva Fähndrich anc fatg speranza, suenter il meglier temp en il sprint. Ma, en il quartfinal è ella crudada e la victoria è stada stritgada.

video
Weng gudogna Alpe Cermis – Neprjajewa gudogna il tour
Or da Sport-Clip dals 04.01.2022.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga