Sper il premi principal da cultura surdat la regenza grischuna ulteriurs 8 premis da renconuschientscha, e 5 premis da promoziun da mintgamai 20'000 francs. In dals tschintg premis da promoziun survegn l'artista sursilvana Davina Andrea Deplazes da Surrein.
L'artista giuvna persvada cun ses curaschi d'experimentar e da lavurar cun materialias e tecnicas nunusitads.
Da la musica a l'art visual
Il stgalim aut ha Davina Andrea Deplazes fatg en la scola da talents da la Surselva cun far musica, piano e chant eran ses focus. Suenter ha ella fatg la matura a Cuira, nua ch'ella ha era realisà sia emprima exposiziun sco lavur da finiziun.
Gia lura era sia via magari clera: ella vuleva daventar artista. Uschia ha Deplazes absolvì il curs propedeutic a la Scol'auta d'art a Turitg (ZhdK) e suenter studegià «Spatial Design» a la Scol'auta per design ed art a Lucerna. Ses art e ses stil èn sa concretisads en divers praticums per exempel en la cularia d'art a Son Gagl u sco sufladra da vaider a Berlin. Quai è er da vesair en sias ovras, nua ch'ella dovra materials extraordinaris e lavura cun sculpturas da grondezza enorma.
En diversas exposiziun en l'entira Svizra ha l'artista giuvna gia mussà sia expertisa. Sco la artista la pli giuvna ha ella gudagnà il premi «Solo» dal Museum d'art Lucerna il 2024. Cun quel premi undrescha il museum mintg'onn in'exposiziun individuala d'in artist u in'artista cun accumpagnament e cussegliaziun durant l'entir process da la creaziun da las ovras.
In'invista en l'ovra da Davina Deplazes
-
Bild 1 von 10. «Denter Ignivs 1». Bildquelle: Liv Burkhard.
-
Bild 2 von 10. «Denter Ignivs 2». Bildquelle: Liv Burkhard.
-
Bild 3 von 10. «Âme». Bildquelle: Andri Stadler.
-
Bild 4 von 10. «Être». Bildquelle: Thomas Strub.
-
Bild 5 von 10. «Mi-Être». Bildquelle: Marc Latzel.
-
Bild 6 von 10. «Entre-Être». Bildquelle: Kim Da Motta.
-
Bild 7 von 10. «Scorsa(s)». Bildquelle: Marc Latzel.
-
Bild 8 von 10. «Denter Tagls». Bildquelle: Marc Latzel.
-
Bild 9 von 10. «Backoffice». Bildquelle: Thomas Strub.
-
Bild 10 von 10. «Velisse». Bildquelle: Liv Burkhard.
Ses art na saja betg placativ, el na sbragia betg, ma plitost saja el subtil e fin. Davina Andrea Deplazes di che ses art po avrir dumondas e po esser critic, ma senza metter quai en il center e vesair sin l'emprima egliada. En mintga cas èsi cler che l'artista giuvna da 27 onns ha gia ina savida gronda che crescha cun mintga project, e ch'il premi da promoziun dal chantun Grischun n'è forsa betg l'ultim.
Undraziuns per ulteriuras persunas da la cultura
Il premi principal da cultura survegn l'artista, fotografa e pictura Katharina Vonow. otg premis da renconuschientscha e tschintg premis da promoziun da mintgamai 20'000 francs.