Experiment litterar L'istorgia da Toni, Kim, il tren da notg, in trauma ed in joint

En il rom dals Dis da litteratura han l'autur Jürg Gautschi e la dramaturga Selina Beghetto scrit ina istorgia, e quai da la bun'ura fin la saira, dad A fin Z. Nua che quella istorgia maina, ha il public cundecidì.

Autor: RTR online

29.10.2025, 16:11

L'autur Jürg Gautschi e la dramaturga Selina Beghetto han acceptà ina sfida litterara en connex cun ils Dis da litteratura. En in singul di han els scrit ina romanza.

Il clou: Il public ha adina puspè pudì votar davart aspects da l'istorgia ed uschia pudì sviluppar co che l'istorgia duai ir enavant. En quest ticker pudais Vus leger suenter tut las decisiuns e pussaivladads. ll fritg litterar – madir u malmadir – è vegnì prelegì la dumengia en la Postremise. Survart pudais al tadlar.

Ils puncts centrals da la romanza: I va per ina trenadra u in trenader da fitness ed ina persuna gest pensiunada. Las persunas han num Kim e Toni. Il lieu d'acziun è il tren da notg ed i va per in trauma da pli baud. La romanza cumenza cun la construcziun: «Igl è ina aura da portg. Il tram arriva. Toni curra, la cofra s'avra.» Lura tracta la romanza er Kim che fima ses emprim joint. Ed a la fin datti – attenziun spoiler – nagin happy end.

Mann und Frau auf dem Sofa — Legenda: L'autur Jürg Gautschi e la dramaturga Selina Beghetto han preschentà lur istorgia sin il palc en la Postremise. Per squitschar il texts n'hai betg pli tanschì. RTR, Mattias Nutt

Themen in diesem Liveticker

La romanza n'è anc betg finida
«Tge che dat segirtad è che nus avain il fil cotschen»
Co duai l'istorgia finir?
Igl è puspè da decider
Co il duo cumplettescha in l'auter
Vus pudais puspè decider
Trais dumondas a Selina Beghetto...
Trais dumondas a Jürg Gautschi...
La basa da l'istorgia è dada: Toni e Kim en il tren da notg
Tge gira durant ils Dis da litteratura?

Venderdi, ils 31 d'october

Sco preludi vegn emess il podcast «True Crime Grischun» live a las 20:00 al radio RTR u en furma da livestream sin rtr.ch

Sonda, il prim da november

10:00 fin 10:15 · Avertura
Manuela Balett, la presidenta da l'Uniun per la Literatura Rumantscha, dat il bainvegni (avertura)
10:15 fin 10:30 · Il text interactiv
La moderatura Esther Berther declera en discurs cun RTR l'idea davos il project litterar performativ.
10:30 fin 11:00 Blackout Biert
Premiera da la nova performanza da Flurina Badel, victura dal Premi grischun da litteratura 2025. Cun la metoda «blackout poetry» creescha ella ina nov'ovra poetica.
11:30 fin 12:00 · Ina istorgia d’amur polifona
Las curaturas Annetta Ganzoni e Bettina Vital dattan in’invista en lur lavur da rimnar, selecziunar e publitgar.
14:00 fin 14:30 · Tranter linguas e geners
La scriptura Gianna Olinda Cadonau preschenta texts novs e pli vegls, texts originals e translatads, publitgads e nun-publitgads.
14:45 fin 15:15 · Spoken Word
L’autura bernaisa cun ragischs grischunas Anaïs Meier preschenta sco giast d’ina autra regiun linguistica svizra texts da spoken word.
15:45 fin 16:30 · Scriver litteratura performativa
Podium cun Daniel Badraun, Carin Caduff, Silvana Candreia e David Flepp, cun participaziun dal public e d’autur:as en sala.
17:00 fin 17:30 · Vernissascha dal cudesch «archiv»
Festa da vernissascha cun prelecziun performativa dad Asa Hendry e Xdzunúm Danae Trejo-Boles.
20:00 fin 21:15 ·Teater «Bab, siu archiv ed jeu»
Il text performativ dad Asa Hendry, represchentà da trais acturs e d’in chor viril, sfundra en traumas zuppads dal mund puril.

Dumengia, ils 2 da november

10:00 fin 10:30 · En dialog
Preschentaziun da la «Litteratura 44» da l’Uniun per la Litteratura Rumantscha.
10:45 fin 11:30 · Sfegliar e discutar
Il roman «Davos ils mugrins» da Leontina Lergier-Caviezel raquinta d’ina tragedia da famiglia che perturbescha in entir vitg.
11:45 fin 12:15 · Jukebox giubilara
Per il giubileum da 15 onns Chasa Editura Rumantscha datti ina selecziun da texts curts publitgads durant quest temp.
12:30 fin 13:00 · Premi da translaziun Viceversa
Dumenic Andry vegn undrà cun il Premi da translaziun Viceversa da la Fundaziun Schiller svizra per sia translaziun rumantscha dad «Infanzia e bestiario» da Claudia Quadri.
13:15 fin 13:45 · Performanza dal text interactiv
Selina Beghetto e Jürg Gautschi preschentan ensemen cun la manadra da la partiziun reflexiun tar RTR Anna Serarda Campell il text litterar interactiv creà durant l’emprim di.
13:45 · Finiziun
Pleds finals ed aperitiv festiv offert da la Fundaziun Schiller svizra.

Dis da litteratura

Header

Experiment litterar L'istorgia da Toni, Kim, il tren da notg, in trauma ed in joint

Themen in diesem Liveticker

Program dals Dis da litteratura en survista

Artitgels legids il pli savens

Themen in diesem Liveticker

Program dals Dis da litteratura en survista

Artitgels legids il pli savens

Tschertga

Navigaziun principala