Siglir tar il cuntegn

Header

cuntegn

Festivals ed openairs Survista dals festivals 2024

Essas Vus in fan da musica e vulais visitar in festival en il Grischun? En noss chantun datti durant la stad adina puspè openairs e festivals pli gronds es pli pitschens. RTR porscha a Vus qua ina survista d'intgins openairs e festivals.

Buna atmosfera, la pli diversa musica per cor ed ureglias ed ina bella culissa a mez la natira. Tut quai porschan ils festivals ed openairs che han lieu durant la stad en las pli differentas regiuns dal Grischun. Durant la stad rapporta RTR regularmain d'intginas da questas occurrenzas cun emissiuns live, fotografias e contribuziuns.

Survista cumpacta dals openairs e festivals en il Grischun

Tscherts line ups èn gia enconuschents

Indoor Festival Disentis

Durant la prima fin d'emna da matg sa mida il center fontauna a Disentis/Mustér en ina sala da concert. Lura ha numnadamain lieu il Indoor Festival. In festival che ha gì lieu per l'emprima giada il 2003. Suenter ina pausa da 11 onns han ils organisaturs puspè reactivà il festival il 2022. Ussa è gia il line up dal festival 2024 enconuschents. Quel chattais Vus qua:

Line Up Indoor Festival

Avrir la box Serrar la box
Impressiun dal Indoor Festival Disentis
Legenda: Impressiun dal Indoor Festival Disentis MAD

venderdi, ils 03-05-2024

  • 20:30 Clique 713
  • 22:00 Teuterkordz
  • 23:30 KT Gorique
  • 00:30 DJ Ruff

sonda, ils 04-05-2024

  • 20:00 Dario Hess Band
  • 21:30 Zian
  • 23:00 Stefanie Heinzmann
  • 00:30 DJ GRO

Open Air Lumnezia

Dals 25 fin ils 27 da fanadur rampluna puspè la tribuna enta Degen a l’Open Air Lumnezia 2024. Durant ils proxims dis publitgescha il comité d’organisaziun mintgamai in act. L’entschatta fa il rapper da Berlin «Kontra K».

Artitgels legids il pli savens