Siglir tar il cuntegn
Inhalt

Chantun Er l'avust hai dà dapli pernottaziuns

Il trend cuntinuescha: Er l'avust hai dà en Grischun 4,3% dapli pernottaziuns ch'avant in onn.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. Cifras da l'Uffizi federal da statistica (2005-2018)

L’avust han ils hotels en il Grischun nudà dapli pernottaziuns ch’anc avant in onn. Las pernottaziuns sajan s’augmentadas per 4,3% sin 578'015 pernottaziuns. Cumpareglià cun la media dals ultims 5 onns è quai in plus da 2,5%. Bunamain 60% dals giasts en il Grischun derivan da la Svizra. Quai è er in plus da 5,1% tar las pernottaziuns da Svizzers. Quai communitgescha l’Uffizi per economia e turissem dal Grischun.

Er en Svizra èn las pernottaziuns s'augmentadas

En l'entira Svizra ha l'hotellaria nudà totalmain bunamain 4,5 milliuns pernottaziuns. Quai è in plus da 4,7% cumpareglià cun la medema perioda da l’onn passà. Quai ha communitgà l’Uffizi federal da statistica.

RR novitads 10:00