Siglir tar il cuntegn

Header

purtret d'in telefon vegl vid ina paraid.
Legenda: Tals telefons na datti quasi betg pli. La lescha da telecommunicaziun percunter è en il decurs dal temp stedi sa sviluppada vinavant. RTR
cuntegn

Lescha da telecommunicaziun Dapli segirtad en la rait per ils consuments

A partir dal prim da fanadur daventi pli segir en la rait. La nova lescha da telecommunicaziun ha approvà pliras midadas che pertutgan «roaming» e telefons da callcenters.

A partir dal prim da fanadur 2021 datti novaziuns tar las leschas da telecommunicaziun. Qua ina survista dals pli impurtants puncts:

«Roaming» – Trapla da custs

Davent da quest onn èn ils providers da telefonia en Svizra obligads d’introducir ina limita da custs da roaming ch’il client sa definir sez. Cura che la limita da Megabytes en l’exteriur è cuntanschida sa blocca l’internet automaticamain. Vinavant ston ils providers infurmar ils clients en furma scritta ina giada ad onn davart las ristgas da «roaming». Ultra da quai na valan pachets da datas per l'exteriur betg pli mo per 30 dis mabain per in entir onn.

Filter da spam per telefons

Da nov ston ils providers filtrar ils telefons stentus da reclama. Cun in program intern ston Swisscom e Co. chattar ora sch’i sa tracta tar il numer da reclama u betg. La finamira èsi ch’il program identifitgescha quai uschè svelt sco pussaivel, uschia ch’i na scalina gnanc tar il retschavider.

Tuttas previstas 2021 sin in'egliada

Avrir la boxSerrar la box

RTR actualitad 11:00

Artitgels legids il pli savens

Scrollar a sanestra Scrollar a dretga