Suenter in onn cun lockdown e restricziuns pervi da corona dovra in u l'auter forsa puspè in zic nov material per pudair guardar serias. Nus avain resumà insaquantas che van a fin e mussain tge che vegn lantschà:
- Il coup dals laders da «Haus des Geldes» ch'èn vidlonder da svidar las reservas d'aur da la Spagna va il 2021 definitivamain a fin. Netflix ha annunzià la tschintgavla stagiun da la seria, che duai er esser il final.
- Er Jane Fonda e Lily Tomlin alias «Grace e Frankie» prendan cumià il 2021 - dentant avant ston las duas dunnas pli passadas da la seria da cumedia anc dumagnar ina nova sfida: abitar ensemen cun lur ex-umens.
- Nov material porscha Amazon prime: En la seria davart il classicher «Wir Kinder vom Bahnhof Zoo» vegn la scena da drogas e da clubs da Berlin mussada.
- SRF mussa a partir dals 17 da schaner la seria «Killing Eve» che raquinta la istorgia d'ina agenta dal MI6 a la chatscha d'ina assassina. Omaduas dunnas èn tuttina fermas – ina maschaida tranter drama, cumedia e thriller.
- Fans da l'istorgia moderna americana vegnan sin lur custs cun Netflix. En la seria «Impeachment: American crime story» vegn mussà il scandal da l'anteriur president Bill Clinton e sia praticanta Monika Lewinsky.
- Sin la seria davart «Herr der Ringe» sco era sin la reuniun dals «Friends» èsi anc da spetgar. Omaduas serias ch'eran vegnidas annunziadas per quest onn han stuì vegnir spustadas sin il 2022 pervi da corona.
audio
Prevista 2021: Novas serias sin Netflix e co.
ord Actualitad dals 06.01.2021.
laschar ir. Durada: 3 minutas 29 Secundas.