Pervi da corona han numerusas lavurs vid films stuì vegnir interruttas ubain premieras èn vegnidas spustadas. Perquai è l'onn da kino 2021 in onn pulpì da film. E quai spetga nus:
- Dal classicher da science fiction «Matrix» vegn mussà il december 2021 ina quarta part. Anc na san ins betg bler dal film, dentant las figuras Neo e Trinity duain er puspè esser da la partida.
- «No time to die» ha James Bond en ses 25avel film. Daniel Craig alias 007 sto turnar ord sia pensiun per cumbatter il supercanagl che vul destruir il mund. Per Craig èsi l'ultim Bond.
- Cun «Ghostbusters Legacy» chatta il hit or dals onns 80 ina cuntinuaziun. Il trailer tradescha gia, ch'igl è questa giada uffants che chattan il vegl material dals ghostbusters originals che han da cumbatter ils spierts. Dentant vegn er speculà, ch'ils acturs originals dals ghostbusters hajan ina rolla en il nov film.
- Auters sequels che vegnan preschentads è in nov «Top Gun», in terz «Sherlock Holmes», in novavel «Fast and Furious» sco er in settavel «Mission impossible».
- Marvel preschenta in nov film il 2021 cun il num «Morbius». L'adversari da Spider Man è in medi che tschertga in medicament cunter ina malsogna dal saun e daventa uschia tar ina sort vampir.
- Er Disney preschenta ina nova aventura: En «Jungle Cruise» van Emily Blunt e Dwayne Johnson en l'Amazonas a la tschertga d'in stgazi e glischnan dad in'aventura en la proxima.