Siglir tar il cuntegn

Header

cuntegn

Super Sunday Grond di da decisiuns oz en Grischun ed en Svizra

Gist trais fatschentas grischunas vegnan oz a l'urna, plinavant spetgan tschintg votaziuns federalas ed era en las vischnancas grischunas vegn votà ed elegì oz.

RTR al puls da las votaziuns

Avrir la boxSerrar la box
RTR al puls da las votaziuns

RTR tegna sin il current davart decisiuns chantunalas, communalas e federalas:

  • Sin www.rtr.ch chattais tut ils resultats, graficas ed analisas
  • Decisiuns impurtantas porscha era social media cun #votaziuns
  • Las novitads al radio rapportan mintg'ura dal pli actual
  • Reacziuns ed analisas pudais tadlar en emissiuns spezialas al radio las 12:00 - 12:30 e las 16:00 - 18:00
  • Il Telesguard resumescha las decisiuns a las 17:35 sin SRF 1

Trais decisiuns en il Grischun

  • Il suveran decida oz schebain el vul midar il sistem ed eleger en l'avegnir deputadas e deputads dal Cussegl grond cun il proporz dubel. Persuenter èsi da midar la Constituziun chantunala.
  • Ina giada dapli vai per la chatscha - quella giada per l'iniziativa per ina chatscha etica e cumpatibla cun la natira.
  • E pervia d'in referendum dastgan Grischunas e Grischuns era decider co vinavant cun las contribuziuns da maternitad.

Decisiuns en vischnancas

Pliras vischnancas elegian oz lur presidenta ubain president.

Tschintg votaziuns en Svizra

  • Las duas iniziativas agraras ha procurà per emoziuns en il cumbat da votaziun. Oz vegn decis davart l'iniziativa per aua da baiver netta sco era davart l'iniziativa per ina Svizra senza pesticids sintetics.
  • Proteger il clima cun reducir las emissiuns nuschaivlas, quai vul la lescha da CO2. Era quai è in cumbat tranter dretg e sanester.
  • Reglar la basa legala per il sustegn economic durant la pandemia. Quai vul il Cussegl federal cun la lescha da Covid-19.
  • Prevegnir ad uras tar in suspect terroristic en Svizra. Questa finamira n'è betg dispitaivla - la dumonda è be sche la lescha anti-terror è la dretga via.

RTR novitads 06:00

Artitgels legids il pli savens

Scrollar a sanestra Scrollar a dretga