Ella è pli pitschna e pli ligera. La maschina cun la fresa pitschna è l'innovaziun da quest onn per la preparaziun da las loipas sin ils lais da Silvaplauna e da Champfèr. Il quad cun la fresa paisa circa ina tonna, quai è set giadas pli pauc en congual cun la maschina da pista normala. Il fatg ch’ella è pli pitschna e pli ligera, schanegia la vetta stgarsa da naiv. Actualmain è la vetta da naiv sin il Lej da Silvaplauna circa 4-5 centimeters grossa. Quai è fitg pauc en congual cun ils auters onns.
La fresa pitschna han ils responsabels prendì quest onn a fit. Mesemna suentermezdi han els testà ella per l’emprima giada ed i funcziuna bain. Ella fa vegnir gruglia la naiv, uschia ch’els arrivan da far la loipa classica ed era la loipa dal skating vegn pli stabila.
In punct fitg impurtant èn era las persunas che lavuran per la loipa.
La glieud che lavura sin questa loipa ha in savair enorm e be grazia a quai èsi pussaivel d’avair uschè bunas cundiziuns.
Uschia pon ils passa 13’500 sportists e sportists s’allegrar sin ina pista optimala al 56avel Maraton da skis engiadinais.
L'innovaziun da quest onn – la fresa pitschna
-
Bild 1 von 5. Fresa pitschna. Bildquelle: RTR.
-
Bild 2 von 5. Pauca naiv. Sin il Lej da Silvaplauna è la vetta da naiv stgarsa. Bildquelle: RTR.
-
Bild 3 von 5. Far vegnir gruglia la naiv. La fresa pitschna optimescha la loipa. Bildquelle: RTR.
-
Bild 4 von 5. Quad cun fresa. Il quad e la fresa paisan circa ina tonna. Bildquelle: RTR.
-
Bild 5 von 5. La lopia cun grip. Far vegnir gruglia la naiv. Bildquelle: RTR.