Themen in diesem Liveticker
- Quai è stà il 56avel Maraton da skis engiadinais
- 56avla ediziun cun cundiziuns idealas
- Organisatur Menduri Kasper fa bilantscha positiva
- Irene Cadurisch da Malögia l'ultima giada sco profi al maraton
- «Bleras fatschas rientas»
- Curdin Räz da Segl cuntent cun plazza 23
- Clà Ursin Nufer 14avel
- Reporter Andreas ha difficultads cun ils cups
- A Giuliana Werro ha mancà «be in mez ski» per la victoria
- «Bella finiziun da la carriera» per Rüesch
Il Maraton da skis engiadinais è la pli gronda occurrenza da sport en Svizra. Il Maraton ha ina lunga tradiziun. Per bleras e blers èsi ina da las finamiras da far part almain ina giada al Maraton da skis engiadinais. E per in pèr paucs èsi er la finamira da gudagnar almain ina giada la trofea da capricorn ch'i dat per la victoria a la cursa populara.
Trais giadas ils ultims trais onns sin il podest
Ina passlunghista che ha gia gudagnà ina giada la trofea da capricorn è Giuliana Werro da Zernez. L’indigena è stada l’onn 2023 la pli sperta dunna tar al maraton. Ed ils onns 2024 e 2025 è ella vegnida mintgamai segunda. Be dacurt ha Giuliana Werro era pudì gudagnar la cursa da la dunnas.
Ella è pia la gronda favurita tar sia cursa da chasa. Savens ves’ins a Giuliana Werro era durant il trenament sin las loipas dal Maraton. Ella enconuscha pia mintga meter da la cursa e sa nua che ins po attatgar.
Avant in emna anc al «Vasaloppet»
La victoria sarà per ils frars Cla-Ursin e Jon-Fadri Nufer da Sedrun in zichel ina finamira memia gronda. Dentant vulan els cudizzar er questa giada puspè ils megliers sin il traject dal Maraton da skis engiadinais. Be dacurt han omadus fatg part al Vasaloppet, ina cursa sur 90 kilometers en il stil classic - la pli veglia e lunga cursa populara dal mund.
Là è Cla-Ursin stà bunamain sis minutas pli spert che ses frar Jon-Fadri. Al Maraton da skis engiadinais datti pia la proxima schanza sin ina revantscha.
Maraton da skis engiadinais 2025
Istorgias, infurmaziuns da basa, resultats, novitads ed intervistas – RTR era er il 2025 sin plazza e rapportava live. Qua chattais Vus tut davart il maraton da skis engiadinais.
ESM 2025
Cursa da dunnas
Il medem di sco il Chalandamarz ha quest onn era gì lieu la cursa da dunnas ils 1 da mars. Giuliana Werro ha mess si in record da 36 minutas e 39 secundas ed è ida per la medaglia d'aur. L'onn passà ha l'Engiadinaisa era schon gudagnà il Maraton da skis engiadinais. Tar la cursa da dunnas stattan las dunnas en il center e giaudan lur cursa. Per la 25avla giada èn las participantas curridas la distanza da 17 km da Samedan a S-chanf. Cun il project «Go 4 cursa da dunnas» pon las dunnas plinavant prender sut ils skis la distanza en equipas da quatter.
Sprint da giuvenils
La cursa da sprint ha dà als uffants ed als giuvenils per la 40avla giada la pussaivladad da far ina cursa en furma da concurrenza. L'onn 2026 s'han participà circa 220 uffants al sprint a Samedan. Il sprint ha gì lieu ils 25 da favrer - mintgamai la mesemna avant la cursa da dunnas engiadinaisa.
Istorgia dal maraton da skis engiadinais
L'«Engiadinais» è l'occurrenza da passlung la pli gronda da la Svizra e la segund pli gronda dal mund. Dapi il 1969 curran millis da participants e participantas la segunda dumengia da mars la distanza da maraton da Malögia fin S-chanf. Gia il 1976 ha il dumber da participantas surpassà per l'emprima giada il cunfin da 10'000. Oz sa participeschan mintg'onn var 14'000 participants da passa 60 naziuns a l'eveniment da passlung en l'Engiadin'Ota. Tar la 50avla ediziun l'onn 2018 ha l'annunzia stuì vegnir serrada per l'emprima giada en l'istorgia suenter 14'200 participantas.
