Punct a las 08:20 ha cumenzà la lavur per la cabina che porta ils emprims giasts da Silvaplauna sin la muntogna. La lingia per la telecabina era lunga la sonda passada tar l'avertura dal territori. Blera glieud vuleva giudair la bell'aura e laschar ils prims fastizis en la naiv.
L'emprim di è adina plain. E sche stos avair in ticket, lura spetgas fitg ditg.
Blers visitaders e bleras visitadas eran gia pronats baud per ir sin pista. Curt avant las otg era dasper las fermadas dal bus a Silvaplauna diversa glieud en equipaments da skis. Quai era en las garaschas sutteranas sut la staziun a val da la telecabina che maina sin la muntongna.
Avant 20 onns er jau l'emprim di da las otg fin il suentermezdi las quatter sin pista. Ussa baiv jau in café e spetg sin il sulegl per ir sin pista.
Suenter il curt viadi cun la cabina fitg plaina la decisiun centrala: Prender las sutgeras ed ir cun skis tar temperaturas sut -15° celsius, ubain ir en il restaurant, giudair in cafè e spetgar sin il sulegl.
Impressiuns da l'emprim di da la stagiun sin il Corvatsch
-
Bild 1 von 10. Bildquelle: RTR.
-
Bild 2 von 10. Bildquelle: RTR.
-
Bild 3 von 10. Bildquelle: RTR.
-
Bild 4 von 10. Bildquelle: RTR.
-
Bild 5 von 10. Bildquelle: RTR.
-
Bild 6 von 10. Bildquelle: RTR.
-
Bild 7 von 10. Bildquelle: RTR.
-
Bild 8 von 10. Bildquelle: RTR.
-
Bild 9 von 10. Bildquelle: RTR.
-
Bild 10 von 10. Bildquelle: RTR.
Per ina dunna che vegn era dapi divers onns a far ils emprims svungs sin la pista è la situaziun la damaun ideala sin la pista, cura che blers van a café.
Jau vegn mintg'onn si cun l'emprima cabina. Damai che la maioritad da la glieud va a baiver in café, hai jau las pistas per mai sezza.
Uschia ha mintgin e mintgina ch'era sin pista pudì giudair l'emprim di da la stagiun d'enviern en il territori da skis dal Corvatsch.