- Cun il proporz dubel quinta tuttenina mintga vusch, perquai ston las partidas tschertgar candidatas e candidats tut a dubel per emplenir las glistas d'elecziun. Ed ellas fan er quai: En tut chattan ellas 491 persunas che sa mettan a disposiziun.
- Curt avant las elecziuns è lura er vegnì prognostitgà tut a dubel tgi che sto laschar plimas e tgi che gudogna latiers – il tenor è cler: Las partidas da pol PS e PPS gudognan sin donn e cust da la PLD e da l'AdC.
- E gist uschia èsi lura er stà: Da nov ha la PPS en il Cussegl grond 25 sez, la PS e la PLD han 27 sez, l'allianza dal center 34 sez ed ils verdliberals dumognan sin fermezza da fracziun cun 7 sez. Ed er duas persunas da la verda han dumagnà il sigl en il parlament grischun.
- Ina surpraisa hai er dà tar las elecziuns da la regenza. Per il sez liber da Christian Rathgeb e da Mario Cavigelli han Carmelia Maissen e Roman Hug cumbattì, ed il candidat da surpraisa Martin Bühler ch'è vegnì nominà dals liberaldemocrats. Il «mister corona» ha lura schizunt dumagnà il sigl en la regenza directamain sin plaz dus.
