Siglir tar il cuntegn

Header

Legenda: Naginas colonnas avant il center da virolar sonda passada RTR, Hubert Giger
cuntegn

Center da virolar a Glion 5 dis cun 900 emprimas virolas

audio
Obligatori da certificat: Colonna per vaccinar a Glion
02:54 min, Actualitad dals 13.09.2021.
laschar ir. Durada: 02:54 minutas.

Dapi ils 13 d’avust han persunas da 12 onns e passa pudì ir en il center da virolar a Glion. Questa purschida è vegnida organisada ina giada l’emna, e la proxima chaschun è ils 18 da settember da las 11:00 fin las 14:00.

Surtut giuvnas e giuvens nizzegian uss la chaschun da laschar dar l’emprima virola. Il motiv principal: avair tschertas libertads sco ir en l’ustaria ubain en vacanzas. Ma blers han resalvas e dubis:

Jau hai studegià ditg, dess jau, na dess jau betg. Quai è stà spontan, jau sun sesì en l’auto e vegnì qua.
Autur: In giuven
Jau vess forsa anc spetgà in mument e s’infurmà in zic.
Autur: Ina giuvna
Jau pens schon ch’igl è in tschert squitsch. Cler, ins na sto betg ir en l’ustaria u en vacanzas, ma quai s’auda era tar la vita.
Autur: Ina giuvna
Legenda: Ma venderdis, ils 3 da settember, hai dà colonnas Spital regiunal Surselva

In grond success 

Il medi Hans Jacomet, che ha lavurà en il center da virolar, di che quai saja stà fin uss in grond success. La glieud vegnia plitost a laschar virolar, sch’els possian vegnir senza s’annunziar e na stoppian betg far quai al computer. Ed el ha constatà che surtut la giuventetgna vegnia pli e pli stedi.

RTR actualitad 07:00

Artitgels legids il pli savens

Scrollar a sanestra Scrollar a dretga