Siglir tar il cuntegn

Header

cuntegn

Rilana Cadruvi Ina pausa da chantar n'è nagin problem per la vusch

Dapi prest in onn n’èsi betg, u mo cun restricziuns stà pussaivel da chantar per ils chors. Las vuschs na vegnan il mument strusch pli duvradas per chantar.

Il mument na vesa quai betg ora uschia, ch'ins pudess chantar il proxim temp. Perquai na vegnan las vuschs il mument strusch pli duvradas per chantar. Tge influenza ha quai sin la qualitad da la vusch ed il chantar?

audio
Betg chantar è nagin problem per la vusch
ord Novitads dals 22.01.2021.
laschar ir. Durada: 3 minutas 25 Secundas.

La qualitad na va betg a perder

Tenor Rilana Cadruvi che lavura sco pedagoga da vusch ed è medemamain dirigenta, na va la qualitad betg a perder, damai ch’ins dovra la vusch era per discurrer.

Segir va la cundiziun a perder. Ins na po betg tegnair il flad uschè ditg sco avant, e la frasa vegn pli curta. Chantar a chasa è ina buna opziun per mantegnair la vusch.
Autur: Rilana Cadruvi pedagoga da vusch

Sco dirigenta quinta Rilana Cadruvi ch’i dovra suenter la pausa ina fasa per sa disar da nov a las vuschs, e per bajegiar si las vuschs da las chantaduras e chantadurs.

Quels e quellas che vegnan puspè a chantar suenter la pausa, vegnan ad esser uschè motivads ch’i na vegn betg a duvrar in lung temp per cuntanscher il livel sco avant in onn.
Autur: Rilana Cadruvi dirigenta

RTR actualitad 08:00

Artitgels legids il pli savens