Siglir tar il cuntegn

Header

cuntegn

Iniziativa Nagin sustegn per scumond d'experimentar cun animals

L'iniziativa per scumandar experiments cun animals ed umans fa naufragi total. Gnanc in chantun ha approvà l'iniziativa ed er il pievel di cun passa 79% cleramain Na a la fatschenta.

L'entira charta svizra è stgir-cotschna. Quai munta che almain 65% da tuttas votantas e votants en tut ils chantuns han vuschà Na. La finala sa resulta in Na da passa 79% sur l'entira Svizra – in resultat fitg cler.

Scumond d'experimentar cun animals

Svizra: Iniziativa per scumandar experiments cun animals ed umans

  • GEA

    20.9%

    500'937 Vuschs

  • NA

    79.1%

    1'893'539 Vuschs

Vuschs dals chantuns

  • GEA

    0.0

  • Na

    23.0

Cler Na er en Grischun

En Grischun din prest 78% Na a l'iniziativa. La suletta vischnanca che di Gea, è Santa Maria en Calanca. Dentant è la decisiun er là stada plitost stretga cun 53,7% per l'iniziativa. Il pli cler Na di la vischnanca da Val Son Pieder, cun 89,3%.

Grischun: Iniziativa per scumandar experiments cun animals ed umans

GEA 22.05%, Na 77.95%

Resultat

En Grischun è la participaziun a la votaziun stada stada tar 40,3%.

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

Quai leva l'iniziativa

L’iniziativa vuleva scumandar experiments cun animals ed umans en Svizra. Experimentar cun animals che na pon betg dar il consentiment u era cun umans na saja pervi da raschuns eticas betg perstgisabel, argumenteschan ils iniziants. En consequenza fiss era l’import da products ch’èn vegnids sviluppads cun tals experiments vegnì scumandà. La scienza che na fa nagins experiments cun animals avess en avegnir duì survegnir almain tuttina blers daners da la Confederaziun, sco la scienza ch’experimentescha oz cun animals.

RTR al puls da las votaziuns

Avrir la box Serrar la box
RTR al puls da las votaziuns

RTR tegna sin il current davart decisiuns communalas e las quatter votaziuns federalas:

  • Sin www.rtr.ch chattais tut ils resultats, graficas ed analisas
  • Decisiuns impurtantas porscha era social media cun #votaziuns
  • Las novitads al radio rapportan mintg'ura dal pli actual
  • Reacziuns ed analisas pudais tadlar en emissiuns spezialas al radio las 12:00 - 12:30 e las 16:00 - 18:00
  • Il Telesguard resumescha las decisiuns a las 17:30 sin SRF Info

RTR novitads 12:00

Artitgels legids il pli savens

Scrollar a sanestra Scrollar a dretga