Siglir tar il cuntegn

Header

cuntegn

Mesiras per las medias Svizra refusa pachet da mesiras per las medias

Svizras e Svizzers na vulan betg sustegnair las medias regiunalas e localas. Cun 54,6% ha il suveran refusà il pachet da mesiras. Er il Grischun ha ditg Na.

La Confederaziun na duai betg sustegnair cun ulteriurs daners las medias localas e regiunalas. Il suveran ha refusà il pachet da mesiras per las medias e cunquai decis cunter l'avis dal Cussegl federal e parlament.

Mesiras per las medias

Svizra: Pachet da mesiras per las medias

  • GEA

    45.4%

    1'085'237 Vuschs

  • NA

    54.6%

    1'303'243 Vuschs

Funtauna gfs.berna

Avrir la box Serrar la box

Las calculaziuns approximativas fa l'institut da perscrutaziun gfs.berna sin incumbensa da l'entira SRG SSR. Quellas sa basan sin vischnancas da referenza che tramettan al team da gfs.berna lur resultats finals. La quota da sbagls munta a +/- 3,0 puncts procentuals.

Il Cussegl federal ed il parlament hajan surchargià la fatschenta, quai è in dals arguments per il naufragi a l'urna.

audio
Adrian Camartin: Co è il Na da declerar?
ord RTR Audio dals 13.02.2022.
laschar ir. Durada: 5 minutas 9 Secundas.

Grischun di Na

Grischun: Pachet da mesiras per las medias

GEA 47.3%, Na 52.7%

Resultat

Il pli cler ha la vischnanca Furna ditg Na, quai cun 75% da las vuschs, suandà da Rongellen en la regiun Viamala. Medemamain cler Na han ulteriuras vischnancas en il Partenz ditg, numnadamain Cunters, Luzein, Küblis, Jenaz e Grüsch. Il pli ferm sustegn per il pachet da mesiras per las medias hai dà en las vischnancas da lingua taliana, Buseno (70% Gea), suandà da las vischnancas Calanca e Soazza. Resguardà tuttas vuschs en ina regiun han sulettamain la regiun Bernina e la regiun Surselva sustegnì il pachet da mesiras per las medias.

En il chantun Grischun munta la participaziun a la votaziun a 40,2%.

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

La finamira dal pachet da mesiras

Parlament e Cussegl federal vulevan sustegnair medias localas e regiunalas. La finamira era tranter auter da promover medias online u da schlargiar il sustegn da reparter gasettas. Uschia vulevan ins purtar fatg al quint che las medias han adina damain entradas ord reclamas ed inserats. In comité ha fatg il referendum cun l'argument ch'i na dovria betg quest sustegn.

RTR novitads 12:00

Artitgels legids il pli savens

Scrollar a sanestra Scrollar a dretga