Siglir tar il cuntegn

Header

cuntegn

Mo pitschnas adattaziuns Traffic public na vegn betg extendì 2022 en il Grischun

La purschida dal traffic public en il Grischun na po l’auter onn betg vegnir extendida. La raschun sajan ils custs supplementars en connex cun la pandemia da corona. Quai ha communitgà l’Uffizi d’energia e da traffic.

Tuttina dettia intginas adattaziuns da l’urari senza chaschunar custs supplementars. En spezial en il Partenz e fin a Tavau optimeschia la Viafier retica l’urari. Tranter Tavau e Landquart dettia la fin d'emna in tact da mes'ura quasi senza interrupziun. La SBB offreschia las dumengias novas colliaziuns da l’Intercity tranter Cuira e Turitg.

Era la Viafier Matterhorn-Gottard prolunghescha ses temp da manaschi sin la lingia da Mustér ad Andermatt la damaun e la saira mintgamai per in’ura. Uschia parta da nov il davos tren la saira da Mustér envers Andermatt las 19:14, la damaun arriva il tren gia a las 07:22 a Mustér, partenza ad Andermatt las 06:20.

Mo midadas pitschnas er tar il plan da bus

Tranter Cuira e Maladers en Scanvetg datti da nov mintg'ura in bus, quai da glindesdi fin venderdi. Intgins temps da colliaziun tranter bus e tren vegnan meglierads e colliaziuns che na vegnian betg frequentadas schliadas.

audio
Per tadlar curt e cumpact
ord RTR Audio dals 01.12.2021.
laschar ir. Durada: 1 minuta 26 Secundas.

RTR novitads 09:00

Artitgels legids il pli savens