Siglir tar il cuntegn

Header

Grafica «Vossa opiniun»
Legenda: RTR Grafica
cuntegn

Retschertga online Tge manegiais Vus da la strategia da corona e da vaccinar?

L'onn 2020 è ì a fin cun insaquantas dissonanzas en connex cun la strategia da corona dal Cussegl federal, cun discussiuns enturn territoris da skis ed ustarias.

Las sfidas enturn il coronavirus restan dentant er l'onn nov – tant è cler. Er las proximas emnas vegnan las stentas da vaccinar la populaziun a procurar per baininqual discussiun. Per quai vai tranter auter en la pli nova retschertga naziunala:

  • Co giuditgais Vus las ultimas reglas ch'il Cussegl federal ha relaschà?
  • Sentis Vus las consequenzas economicas da la crisa?
  • Tge schais Vus da la strategia da vaccinar, dal virus mutà ubain da serrar restaurants?

Prendai in zic temp ed as participai a nossa retschertga!

Era per questa 6avla retschertga ha la SRG SSR incumbensà l'institut da perscrutaziun «Sotomo». Ils resultats da la retschertga vegnan publitgads ils 15 da schaner a las 17:00 sin tut ils chanals da RTR, SRF, RTS e RSI.

As participar pudais Vus a moda anonima. Las respostas vegnan tractadas a moda confidenziala.

Las reglas

Las mesiras actualas cunter Covid-19 dateschan dals 22 da december 2020 e valan fin ils 22 da schaner 2021. Il Cussegl federal propona dentant da prolungar quellas e vul infurmar definitivamain ils 13 da schaner 2021 co proceder vinavant.

Las retschertgas

Gia la primavaira 2020 ha la SRG SSR tutgà il puls da la populaziun, cun far quatter retschertgas naziunalas davart la pandemia. In'ulteriura retschertga l'atun ha lura dumandà davart la situaziun durant la segunda unda.

Insaquants dals resultats d'enfin ussa:

RTR actualitad 17:00

Artitgels legids il pli savens

Scrollar a sanestra Scrollar a dretga