Siglir tar il cuntegn

Header

cuntegn

Votaziuns 15-05 Trais referendums èn reussids

Tut ils trais referendums, che vegnan en votaziun ils 15 da matg èn reussids. Uschia votescha il suveran svizzer davart la Lex Netflix, la lescha da transplantaziuns, e l'agentura da la protecziun dals cunfins da l'UE, Frontex. La Lex Netflix duai procurar che servetschs da streaming sco Netflix e Disney+ stoppian investir ina part da lur svieuta en Svizra. Cunter la midada da la lescha da film han tranter auter las partidas giuvnas da la PLD, PPS ed ils Verd-libers fatg il referendum. Tenor els giajan las midadas sper il consument e la consumenta vi e mettian en privel la libertad.

Cun la lescha da transplantaziun vulan il Cussegl federal ed il parlament augmentar il dumber d'organs che stattan a disposiziun. E da rinforzar la Frontex garantescha tenor il Cussegl federal la segirezza e la libertad da la Svizra.

RTR novitads 17:00

Artitgels legids il pli savens

Scrollar a sanestra Scrollar a dretga