«Ina passiun romontscha»
Quest'ovra da Gion Antoni Derungs è naschida il 1972. L'entira cumposiziun cumpiglia nov carnets cun la passiun tenor l'evangelist Matteus sco era cun chanzuns or da la Consolaziun, in cudesch cun texts rumantschs (sursilvan) vegls. Il 2025, 35 onns suenter la primaudiziun, han il Chor viril Lumnezia e ses dirigent decidì da puspè ina giada represchentar l'ovra. Il dirigent Retus Giger ha instradà il project, er per l'anniversari da 90 onns ch'il cumponist Gion Antoni Derungs avess pudì festivar quest onn.
Aida: tuns pompus e melodias calmas
Per il 20avel anniversari sco era la 10avla producziun d'opera ha l'Opera Viva 2025 preschentà ina opera gronda e renumada, numnadamain l'Aida.
Sut la direcziun dal manader musical, Gion Gieri Tuor hai dà totalmain nov rapreschentaziuns. L'entira producziun è stada in grond success – ord vista organisatorica, ma cunzunt era ord vista musicala: solistas e solists, l'orchester sco era il chor da laics han fatg onur al grond classicher da Giuseppe Verdi.
Mountain Brass in Concert 2025
La concurrenza Mountain Brass in Concert è ina furma da concurrenza da musica da divertiment ch'i dat gia dapi intgins onns en l'Engalterra. En Svizra è il format però nov.
L'onn 2025 ha la Musica da Domat mess en pe la concurrenza en connex cun ses giubileum da 222 onns.
Festival chanzun rumantscha – ediziun 3
Il terz Festival da la chanzun rumantscha che ha gì lieu dals 3 fin ils 5 d'october 2025 ha preschentà in program vast. Dal chant avert per uffants e famiglias fin a concerts cun chantauturs. Il punct culminant, natiralmain la concurrenza da cumposiziun.
