Filosofar cun Chantal Marti-Müller da la fortuna en ses biro n’è betg ina cuntradicziun – al cuntrari. Per la manadra da l’Uffizi chantunal per scola populara e sport èn sia professiun e sia passiun ina funtauna da fortuna.
Ella gieva gugent a scola ed ella è anc oz gugent en acziun per las radund 19’000 scolaras e scolars dal Grischun. A la fin da l’onn da scola raquinta ella tge ch’ella cusseglia a las giuvenilas e giuvenils, che bandunan uss la scola obligatorica, per vegnir ventiraivel:
Fortuna po er ina giada esser star salda e far posa, baiver in café u esser sin in piz e guardar giu, ina giada far nagut. Quai è impurtant. Dentant suenter crai jau che la motivaziun intrinsica è fitg impurtanta. Betg lavurar en scola be per il scolast u lavurar en l’emprendissadi be per il schef e betg far insatge be per la mamma u il bab, ma plitost per sasez e las atgnas finamiras.
